Linur forsætisráðherra.

Katrín Jakobsdóttir, forsætisráðherra, segir að ákvörðun Trumps Bandaríkjaforseta, að viðurkenna Jerúsalem sem höfuðborg Ísrael, sé vonbrigði.

Mest allur heimurinn fordæmir Trump forseta Bandaríkjanna fyrir aðgerðir í málefnum Jerúsalem.

En fyrir forsætisráðherra Íslands eru þetta aðeins " vonbrigði "

Ekki annað hægt að segja um þessa linku, þau eru " vonbrigði "

Það verður að gera þá kröfu til ráðamanna á Íslandi að þeir taki af sér flókaskóna og fordæmi svona rugl

En kannski á þetta bara að vera mjúkt og sætt hjá nýrri ríkisstjórn ?

Athugasemdir

[Predikarinn - Cacoethes scribendi , 10.12.2017 kl. 14:16]

JIC

Þú bregst okkur blogglesendum ekki frekar en endranær.

Það væru í raun vonbrigði ef þú kæmir ekki með pistla sem þennan, við hin gætum haldið að það væri að bresta á hjá þér sannleiksást eða þaðan af verra væru pistlar þínir á annan veg.

Ég vil auka á leti mína við að skrifa þennan pistil og færa hér inn hluta úr forystugrein Morgunblaðsins um þetta mál, þar sem þar er greipt á kýlinu. Sannleikselskandi menn vita að þar er vitnað í staðreyndir og sannleikurinn í hávegum hafður: 

"Nú ræða þau aftur saman vegna ákvörðunar Trumps forseta um að Bandaríkin skuli viðurkenna í verki að Jerúsalem sé höfuðborg Ísraels. Ákvörðunin snýr eingöngu að Bandaríkjunum. Þetta var reyndar líka eitt af kosningaloforðum Trumps. Hann virðist vera ein af þessum fágætu furðuverum stjórnmálanna sem telja að það fari ekki endilega illa á því að efna eitthvað af kosningaloforðum sínum. En þannig vill að auki til að þrír fyrirrennarar Trumps í embætti, þeir Bill Clinton, George W. Bush og Barack Obama höfðu allir, hvað eftir annað, gefið opin

bert loforð um þetta sama. Öldungadeild Bandaríkjanna hafði samþykkt þetta sama sem stefnu með 93 atkvæðum af 100 og gert að lögum. Bill Clinton undirritaði ekki lögin en beitti ekki heldur neitunar

valdi sínu svo lögin tóku gildi. Aðeins þarf 61 atkvæði af 100 til að hafa neitunarvald forsetans að engu svo að Clinton var ljóst að gagnslaust var að beita því og kannski dálítið óþægilegt líka þar sem hann hafði lofað þessu sjálfur.

 

Það má vissulega hafa mismunandi skoðun á þessari ákvörðun sem öðrum og öll álitaefni sem snerta þennan sérlega viðkvæma blett á landakortinu verða sjálfkrafa hitamál.

 

En hitt, að segja að með ákvörðuninni »sé sjálfu friðarferlinu stefnt í hættu«, þá eru menn komnir í nokkrar ógöngur. Það er ekkert friðarferli í gangi. Það gerðist ekkert í þeim efnum í tíð Obama sem forseta. Það er margoft búið að veita friðarverðlaun fyrir áfanga á ferlinum, en menn eru samt ekki mjög langt komnir. Obama fékk að vísu Friðarverðlaun Nóbels afhent sem fyrirfram greidd verðlaun, sem er næsta einstætt!"