Hókus pókus Sjálfstæðisflokksins.

Bæjarfulltrúar Samfylkingar, Vinstri Grænna og Næstbesta flokksins í Kópavogi segja að á meðan meirihlutinn tali um lækkun skatta og gjalda séu álögur auknar á barnafjölskyldur og sérkennsla skert. Gagnrýnir minnihlutinn það að ekkert samráð hafi verið haft við hann um fjárhagsáætlunina. Þetta kemur fram í fréttatilkynningu frá minnihlutanum í bæjarstjórn.

_______________________________

Lykilboðskapur Sjálfstæðisflokksins eru " skattalækkanir "

En auðvitað eru þetta blekkingar sem ætlaðar eru kjósendum sem ekki hafa getu eða nennu til að grafa dýpra í hvað að baki býr.

Í reynd er verið að lækka á einum stað og sækja það annað.

Eðli Sjálfstæðisflokksins er að hygla hinum betur stæðu á kostnað hinna. Það virðist Sjálfstæðismenn í Kópavogi ástunda af alúð.

Það kostar að reka sveitarfélag og að lækka skatta er ekkert annað en ódýrt hókus pókus. Fjármunirnir sem vantar þar með eru sóttir í aðra gjaldaliði eða þjónustan skert.

Gert er ráð fyrir lækkun fasteignaskatts úr 0,32% í 0,29%. En þar sem fasteignamat fyrir árið 2013 hækkar í Kópavogi um 8,3% samkvæmt upplýsingum Þjóðskrár Íslands sýnir fjárhagsáætlun 107 milljóna króna tekjuaukningu í innheimtu fasteignaskatta. Verðbólguspá fyrir næsta ár gerir ráð fyrir 4,1 verðbólgu, því ber þetta af sama brunni, verið er að framkvæma sýndarlækkanir en raunhækkanir.

Það er það sem Sjálfstæðisflokkurinn í Kópavogi er að gera og hrósar sér síðan af " skattalækkunum "

Blekkingar sem allir sjá í gegnum sem kynna sér málin aðeins lengra en lesa Moggann.

Gagnrýna meirihlutann harðlega

Athugasemdir

[Guðjón Sigþór Jensson, 14.11.2012 kl. 17:45]

Tek undir hvert orð. Lýðskrumið virðist ætla að verða „höfuðdjásn“ vissra afreksmanna sem tengjast Sjálfstæðisflokknum. Þeir telja sig vera jafnvel „sjálfstæðari“ að túlka orð og athafnir. Í raun skilja þeir allt meira og minna í rústum og auðn.