Drífa allar línur á Akureyri í jörðu - strax.

RARIK hefur ákveðið að við uppbyggingu raforkukerfisins í Mývatnssveit verði nánast öll línan lögð í jarðstreng. Gríðarlegt tjón varð á dreifikerfinu í ísingarverðri í síðustu viku og segir Tryggvi Þór Haraldsson, forstjóri RARIK, að byggja þurfi kerfið í Mývatnssveit upp frá grunni.

___________________________

Gott að sjá þetta. Mér sýnist að í framhaldinu hljóti þetta fyrirtæki og fyrirtæki tengd því að átta sig á mikilvægi þess að koma strengjum við Akureyri í jörðu.

Þrjár línur liggja um útivistarsvæði Akureyringa, í Kjarnaskógi og Naustaborgum auk þess sem línur liggja þvert yfir tjaldsvæði bæjarins að Hömrum.

Það kostar þessi fyrirtæki smáaura að ganga frá þessu sjálfsagða máli miðað við það sem til þess þarf í Mývatnssveit.

Ég trúi því að bæjaryfirvöld á Akureyri fari að sækja það fastar að gengið verði í að koma þessum málum í lag í bæjarlandinu.

 Eins og þetta er má segja að þetta sé ófremdarástand.

Fram að þessu hafa fyrirtækin sýnt því fullkomið tómlæti að ganga frá þessum málum. Á meðan þarf að höggva skóg í Kjarnaskógi, horfa upp á hörmungarútsýni í Naustaborgum auk þess sem þetta hamlar starfssemi á svæðinu, m.a. á tjaldsvæðum og endurvinnslustöð við Liljulund.

Framundan er síðan að hér þurfi að ganga frá leið fyrir 220 kv línu frá Blöndu og austur. Sá strengur verður að fara í jörðu frá norðurmörkum bæjarins, um Glerárdalsmynni og þvert yfir Eyjafjarðarsveit þar sem hann mun trufla flug að Akureyrarflugvelli ef línan verður í lofti.

Allt kerfið í jarðstreng