Virkar "local" brandari í Reykjavík á landsbyggðinni?

„Við höfum verið að ræða saman og sjá til hvort við eigum einhverja sameiginlega fleti og tengja saman hópa sem eru í kringum okkur og Guðmund Steingrímsson [alþingismann]. Við erum að skoða það að stofna nýjan flokk,“ segir Heiða Kristín Helgadóttir, framkvæmdastjóri Besta flokksins."

Besti flokkurinn er local brandari í Reykjavík þar sem safnað var saman hópi fólks, mikið fólk úr menningargeiranum í höfuðborginni margir hverjir þekktir þar á bæ.

Hvort það eigi eftir að verða Guðmundi og skoðanabræðrum hans til góðs úti um land skal ósagt látið og ljóst að " svona " hóp er ekki að finna úti á hinum dreifðu byggðum.

Besti hefur líka sýnt að lítill munur er á honum og fjórflokknum þegar kemur að praktískri pólitík og brandarnir eru orðnir heldur súrir og fylgið hrynur af í Reykjavík og enn eru tvö ár eftir.

Eini munurinn á Besta og öðrum flokkum í Reykjavík er Jón Gnarr og ekki er sá munur endilega jákvæður í hugum margra. 

Ekki trúi ég að Guðmundur og félagar ætli að taka þetta á gríninu eða fíflaganginum en það á væntanlega eftir að koma í ljós.

Skoða stofnun nýs stjórnmálaflokks