Gleyminn formaður Framsóknarflokksins ?

Eggjahneykslið í Evrópu sýnir gæði verksmiðjuframleiddrar vöru í Evrópu, að mati Sigurðar Inga Jóhannssonar, formanns Framsóknarflokksins. Vörur úr sýktum eggjum hafa teygt anga sína til átján ríkja. Ólafur Stephensen, framkvæmdastjóri Félags atvinnurekenda, segir að eftirlitskerfi Evrópusambandsins hafi sannað sig.

Formaður Framsóknarflokksins virðist þjást af minnileysi þegar kemur að eggjum og eggjaframleiðslu.

Hér grasseraði hænsna og eggjahneyksli í langan tíma án þess að nokkuð væri á því tekið.

Formaður Framsóknar virðist alveg hafa gleymt því.

Fyr­ir­tækið Brúnegg brást seint og illa við at­huga­semd­um Mat­væla­stofn­un­ar um að bæta aðbúnað hænsna fyr­ir­tæk­is­ins og að fugla­búið hafi í raun aldrei upp­fyllt þau skil­yrði að geta merkt fram­leiðslu sína sem vist­væna líkt og það hafi gert.

 

Sigurður Ingi - var það kannski ESB að kenna eða er þetta bara minnisleysi á það sem hentar hverju sinni ?

Mengun í Eyjafirði - óæskilegir gestir ?

 

 

Á lognkyrrum morgnum blasir oft við dökkblá mengun og reykský yfir hluta Akureyrar.

Skýið liggur yfir rennisléttum Pollinum og legst yfir nálæga byggð.

Sýn sem hvarf með hitaveitunni fyrir margt löngu.

Nú er þetta fylgifiskur skemmtiferðaskipanna sem spúa frá sér mengun yfir menn og málleysingja.

Satt að segja ákaflega óþægilegt og óæskilegt.

Þegar svona háttar finnur maður á eigin skinni hvað íbúar í Reykjanesbæ þurfa að þola frá mengandi stóriðjuveri.

Þarf þetta virkilega að vera svona og flestir vilja líklega vera lausir við þennan ófögnuð yfir fallegum Eyjafirðinum og Akureyri.

Hafnarstjórn vill kannski taka að sér að ræða við útgerðir þessara skipa, þeir bera jú mesta ábyrgð á veru þeirra hér.