Vinstri grænir - þjónar valdaflokkanna.

Þá, og einmitt þá, tekur VG þá ákvörðun að leiða þessa flokka til nýrrar ríkisstjórnar og veita þeim ekki aðeins syndakvittun og skýrslu frá subbuskap sínum, heldur veitir þeim í raun sjálfdæmi um að halda samfélaginu áfram í þeim viðjum sem það hefur verið í í áratugi.

( Stundin )

Áhugaverður pistill frá Illuga Jökulssyni.

Það er flestum að verða ljóst að vera VG í ríkisstjórn Bjarna Benediktssonar mun engu breyta fyrir land og þjóð.

VG er þarna á forsendum íhaldsflokkanna og er ekki ætlað að breyta neinu til framtíðar.

Mítan að VG væri umbótaflokkur er horfin og allir sjá að flokkurinn er jafn íhaldssamur og gömlu kerfisflokkarnir.

Smellpassa inn í kyrrstöðu og afturhaldsstefnu Framsóknar og Íhalds.

Illugi segir réttilega að Katrín hafi ekki verið góður menntamálaráðherra, eitthvað sem flestir vissu en enginn sagði.

Um hana var dularfullur verndarhjúpur sem gerði hana að vinsælasta stjórnmálamanni þjóðararinnar.

En nú er hún mætt í raunveruleikann og þá kemur sannarlega í ljós úr hverju hún er gerð, upphafið lofar ekki góðu.

Áhyggjur margra eru að aukast þessa dagana, VG eru líklega bara sú viðbót sem Sjálfstæðisflokkurinn þurfti til að viðhalda stefnu sinni og einkavinavæðingu.

Það eru erfiðir mánuðir framundan hjá fyrrum sósialistum.

En það er gaman hjá Steingrími í grobbstólnum.

Er á meðan er.

Kjánalegur utanríkisráðherra.

Stjórnmál Utanríksiráðherrann, Guðlaugur Þór Þórðarson, sem er íbúi í Grafarvogshverfi, segir koma til greina að Grafarvogur slíti sig frá Reykjavík og lýsi yfir sjáflstæði. Hann segir íbúa í fleiri hverfum íhuga það sama.

Framboðamál Sjálfstæðisflokksins í höfuðborginni eru að verða ákaflega vandræðaleg.

Fyrst var farið í það að leita dauðaleit að einhverjum marktækum þungaviktarmanni.

Það gekk ekki og þeir þrír sem hafa bæst við eru ekki líklegir til að sópa að því fylgi sem þarf.

Utanríkisráðherrann er þó með lausnir í huga.

Hann sér fyrir sér að Grafarvogur þar sem hann býr slíti stjórnmálasambandi við Reykjavík og verði sjálfstætt sveitarfélag.

Grín ?

Kjánalæti ?

eða eitthvað þaðan af verra.

Hvað utanríkisáðherrann sér í þeesu veit hann einn.

Kannski sér hann fyrir sér að Sjálfstæðismenn í borginni flytji í hópum í valin hverfi og myndi þar sjálfstæðisgettó.

En að öllu gríni slepptu.

Þetta er nú sennilega það bjánalegasta sem sést hefur í vandræðalegri þrautagöngu Sjálfstæðisflokksins í Reykjavík.

Þar virðist allt vera á hvolfi.

 

Fátæklegur prófkjörslisti Sjalla í borginni.

Fimm verða í fram­boði í leiðtoga­kjöri Sjálf­stæðis­flokks­ins í Reykja­vík sem fram fer 27. janú­ar. Frest­ur til þess að skila inn fram­boðum rann út klukk­an fjög­ur í dag.

Furðulega þunnskipaður listi fyrir prófkjör Sjálfstæðisflokksíns í Reykjavík.

Fallkandidat úr öðru kjördæmi, skrautlegur fjárfestir og eigandi Moggans.

Síðan má sjá tvo borgarfulltrúa sem flokkurinn virðist ekki treysta til starfans.

Allir vita að leitað var logandi ljósi að frambjóðendum til að sleppa við þeirra leiðsögn.

Að lokum má nefna athafnamann nokkurn sem fáir vita deili á.

Ljóst er að Sjálfstæðisflokkurinn er í djúpum vanda í höfuðborginni.

Leyniskoðanakönnun sýndi að fylgi þeirra var aðeins að mælast 16% og fjórir fulltrúar inni af 23.

Það er ljóst að forusta flokksins og ekki síður Davíð Oddsson og klíka hans klóra sér í höfðinu þessa dagana.

Fimm framboð bárust

Stjórnmálamennirnir að drepa Landhelgisgæsluna ?

Sam­kvæmt fjár­auka­lög­um sem Alþingi samþykkti und­ir lok nýliðins árs voru fram­lög til Land­helg­is­gæsl­unn­ar lækkuð um 61,4 millj­ón­ir fyr­ir árið 2017 vegna breyttra geng­is­for­sendna. Og sam­kvæmt fjár­lög­um árs­ins 2018 lækka fram­lög til rekstr­ar LHG um 20,2 millj­ón­ir króna á milli ára.

Fjárframlög til Landhelgisgæsluna lækka um tugi milljóna á milli ára.

Til að halda sjó þarf gæslan að leigja helstu öryggistæki þjóðarinnar til útlanda.

Eins og allir vita nema þingmenn þá virka öryggistæki sem leigð eru til útlanda ekki hér heima.

Það er forkastanlegt að keyptar séu flugvélar og þyrlur til landsins til að sinna öryggisgæslu og síðan þarf að leigja þær til útlanda vegna fjárskorts.

Voru ekki einhverjir að tala um að efla innviði, þetta er sannarlega eitt af því sem þarf að efla eins og dæmin sýna undanfarin misseri.

Ábyrgð ríkisstjórnar og Alþingis er mikil og ef þessu heldur fram sem horfir þá verður Landhelgisgæslan gagnslaus, með tækin sín í leigu úti um heim.

Það er allt of margt á brauðfótum í innviðum Íslands, það er stefna stjórnmálamanna sem gerir það að verkum að okkar helstu öryggistæki þarf að leigja.

Og svo eru almannavarnir drifnar áfram af sjálfboðaliðum og flugeldasölu.

Það er eitthvað stórkostlegt að á Íslandi þegar kemur að öryggismálum.

Þyrla mögulega leigð til útlanda

Ráðherrar Sjálfstæðisflokksins í ruglinu.

„Kröfur stefnanda hafa ekkert um forsætisráðherra fyrrverandi eða tímasetningu kosninga að gera,“ sagði Ólafur og andmælti málflutningi forsvarsmanna Stundarinnar. Hann sagði tímasetningu þess að farið var fram á lögbann aðeins ráðast af því hvenær umfjöllun Stundarinnar og Reykjavík Media hefði hafist og hvernig hún hefði verið. Ólafur sagði að stefndu hefðu ekki afmáð upplýsingar sem ekki áttu erindi til almennings. „Þetta snýst mál snýst um friðhelgi einkalífs stefnanda og þúsundir viðskiptavina hans,“ sagði Ólafur. Þannig hefði ekki aðeins verið fjallað um viðskipti Bjarna

( ruv.is )

Fréttatímar fjölmiðla eru fullir af fréttum af ráðherrum Sjálfstæðisflokksins, flestir þeirra virðast vera í umtalsverðum ímyndarvanda og embættisfærslur þeirra margra dregnar í efa af sérfræðingum.

Bjarni Benediktsson er til umfjöllunnar vegna meints fjármálamisferlis sér til handa og ættinga sinna.  Lögbann sem stöðvaði umfjöllun og Bjarna er nú til umfjöllunar fyrir dómsstólum. Það lögbann jók á grunsemdir og margir bíða nú eftir því hvar þar er falið.

Sigríður dómsmálaráherra sekkur dýpra og dýpra í fenið og er ítrekað staðin að röngum fullyrðingum og hreinni vitleysu. Síðast var fjallað um slíkt í fréttum í kvöld.

Guðlaugur Þór hefur opinberað það fyrir þjóðinni að hann hefur takmarkað vit á að leysa dómsmálaráðherra af í dómaraskipunum. Sérfræðingar telja hann algjörlega úti á túni með afskiptum sínum af óháðri valnefnd. Sennilega er hann búinn að gera sig vanhæfan með óhugsuðum ummælum og umræðu.

Kristján Þór verður alltaf í vandræðum með Samherja og vinskap sinn við áhrifamestu útgerðarmenn landsins. Hann mun alltaf verða á mörkum vanhæfis þegar kemur að málum sem varða Samherja og þeir ráða flestu í þessari atvinnugrein.

Eini ráðherra Sjálfstæðisflokksins sem siglir nokkuð lygnan sjá er Þórdís Kolbrún Gylfadóttir.  Það man varla nokkur maður eftir henni í ríkisstjórn og þar af leiðandi ekki í sömu stöðu og aðrir ráðherrar flokksins sem eru í daglegri umfjöllun vegna ýmiskonar vandræða.

Ungversk - pólska leið Sjálfstæðisflokksins.

Lögð er áhersla á það í svar­bréfi hæfis­nefnd­ar um um­sókn­ir um embætti fjög­urra héraðsdóm­ara til Guðlaugs Þórs Þórðar­son­ar, setts dóms­málaráðherra, að nefnd­in sé sjálf­stæð stjórn­sýslu­nefnd sem lúti ekki boðvaldi ráðherra. Svar­bréfið hef­ur verið birt á vef dóms­málaráðuneyt­is­ins en und­ir það rit­ar Jakob Möller, formaður nefnd­ar­inn­ar.

Sjálfstæðisflokkurinn er í leiðangri.

Hann er að taka pólsk - ungversku leiðina í dómsmálin.

Stjórnmálamenn þar og hér ætla sér að auka áhrif stjórnmála á dómsmálin.

Dómsmálaráðherra er dæmdur sakamaður í fyrir inngrip sitt í dómsmálin og settur dómsmálaráðherra gerir sig breiðan og ybbar gogg við lögskipaðar nefndir.

Þróun sem kennd er við hægri öfgar og ekki fer á milli mála að líkindi má sjá með athöfnum sjálfstæðismanna og hægri kollega þeirra í Póllandi og Ungverjalandi.

Evrópusambandið grípur að líkindum til örþrifaráða gegn Póllandi í dag. Eftir nokkurra mánaða viðvaranir er talið að framkvæmdastjórn Evrópusambandsins virki sjöundu grein Evrópusáttmálans vegna inngrips pólskra stjórnvalda í dómskerfi landsins.

(ruv.is )

Svo rammt kveður að því það að Pólland er komið á svartan lista hjá siðmentuðum Evrópuþjóðum.

Við erum kannski á leiðinni þangað ef Sjálfstæðisflokkurinn ræður för.

Ekki stöðva viðhlægendur þeirra í Vinstri grænum þessa þróun.

Brosa bara og eru góð.

 

Lýtur ekki boðvaldi ráðherra

Blóm í blómavasa íhaldsflokkanna.

Allir sem það vilja sjá lofar upphaf nýrrar ríkisstjórnar ekki góðu.

Hafnar hækkun barnabóta og vaxtabóta.

Ákveður lækkun veiðigjalda og ekki fer á milli mála að ríkisstjórnin telur veiðgjöldin skatt en ekki greiðslu fyrir not á þjóðarauðlindinni.

Besta fiskveiðikerfi í heimi sagði fjármálaráðherra og forsætisráðherra nikkar brosandi.

Það standa ekki til neinar grundvallarbreytingar á Íslandi.

Þessi ríkisstjórn er mynduð til að viðhalda óbreyttu ástandi og framtíðarsýn engin.

Sami gjaldmiðill, sama utanríkisstefna, sama frændhygli, sömu forréttindahópar.

Sjávarútvegurinn og landbúnaðurinn ( KF Skagfirðinga ) eiga sér ráðherra í ríkisstjórninni sem gæta þeirra hagsmuna.

Þórólfur og félagar köstuðu út gamla gæslumanninum og settu Dalaprinsinn í gæsluna.

Vinur Samherja er fremstur meðal jafningja og VG getur gleymt því að veiðigjöld á stærri útgerðir hækki, það er barnaskapur að halda það.

VG er skrautblóm í vasa íhaldsflokkanna, hlutverk þeirra að brosa og vera þæg.

Áhugavert ár framundan í stjórnmálum á Íslandi.

 

Það birtir.

 

  

 

 

 

   Sólin mætt í Eyjafjörðinn.

  

Slakur fjármálaráðherra leggur fram lélegt fjárlagafrumvarp.

Minna er hugað að tekjuöflun í fjárlögum þessa árs en gert var í frumvarpinu sem Benedikt Jóhannesson, fyrrverandi fjármálaráðherra, lagði fram síðastliðið haust. Þetta segir Þórólfur Matthíasson, prófessor í hagfræði. Hann segir að afstaða ferðaþjónustunnar til greiðslna í opinbera sjóði minni á rányrkju í sjávarútvegi á árum áður. Þá hafi verið sótt grimmt á miðin en nú megi líkja því við rányrkju hvernig ferðaþjónustan vilji njóta innviða samfélagsins án þess að greiða fyrir þá.

( ruv.is )

Þórólfur Matthíasson prófessor í hagfræði staðfestir það sem stjórnarandstaðan hélt fram í umræðum á Alþingi.

Tekjuöflunarhluti fjárlagafrumvarpsins er óvandaður og opinn.

Frumvarp fyrrum fjármálaráðherra Viðreisnar var betra en fjárlagafrumvarp Bjarna Benediktssonar.

Eðlilegt að margir hafi áhyggur, því ef tekjuþátturinn er ekki marktækur þá er frumvarpið á sandi reist.

Vitað er að VG vildi sækja meiri skatta en fékk ekki.

Sjálfstæðisflokkurinn ræður för.

Næsta skref er að Sjálfstæðisflokkurinn lækkar veiðgjöld og rýnir enn frekar tekjur ríkissjóðs.

VG samþykkir og brosir og nýjasti liðsmaður hægri manna brosir blítt og ver Sjálfstæðisflokkinn og formann hans.

Og svo eru sumir þingmenn Sjálfstæðisflokksins í heilsulausri fýlu, þó reynt sé að halda þeim niðri.

Brynjar Níelsson slapp þó úr gæslunni um stund þó flokkurinn hafi bannað honum að tjá sig á samfélagmiðlum.

Það eru erfiðir dagar framundan hjá grasrót VG að verja þennan óskapnað sem þetta frumvarp er.

Bráðasiðblinda Vinstri grænna.

Jón krefst miskabóta frá ríkinu og skaðabóta vegna fjártjóns. Hann gerir kröfu um ríflega þrjátíu milljónir króna sem er mismunur á launum hans nú sem héraðsdómara og launum landsréttardómara í níu ár. Lögmaður Jóns sendi dómsmálaráðherra bréf um þetta 21. desember og gaf ráðherra tíu daga frest til að svara.

Siðapostulinn í VG skipti um gír.

Katrín formaður VG var ötull baráttumaður gegn spillingu hægri flokkanna.

Nú eru lögbrjótar Sjálfstæðisflokksins komnir undir verndarvæng Vinstri grænna og þeir sjá til þess að þjóðin situr uppi með þá við stjórn landsins.

Siðapostuli og talsmaður VG er farin að hljóma eins og argasta hægri íhald og sér ekkert að því sem þeir hafa gert.

Siðblinda heitir þetta og virðist vera hægt að fá BRÁÐASIÐBLINDU ef það hentar.

Það verður fróðlegt að fylgjast með vörnum Katrínar Jakobsdóttur fyrir lögbrjóta Sjálfstæðisflokksins.