Bleika kakan og tárin.

Þ2017 bleikaar fer Kristín yfir stjórnarslitin og veltir því fyrir sér hvort Bjarni Benediktsson, formaður Sjálfstæðisflokksins, muni standa af sér þetta mál eins og hann hefur komist í gegnum mörg önnur vandræðaleg mál síðustu misseri:

Formaður Sjálfstæðisflokksins er í vandræðum, dómsmálaráðherra í djúpum skít.

Nú velta allir því fyrir sér hvort þau skötuhjú standi þetta af sér.

Ég tel nokkuð ljóst að Sjálfstæðismenn leggi ekki í kosningar með dómsmálaráðherrann fyrrverandi. Stjórmálaþátttöku hennar er lokið að mínu mati. Það þarf mikið til að slá út klúðurferli Hönnu Birnu og það hefur Sigríði Andersen sannarlega tekist.

Annað mál með BB. Hann þarf fyrst og fremst að standa af sér vantraust Sjálfstæðismanna sem gætu tekið upp á því að setja hann af sem formann. Það væri fyrst og fremst það að hann takmarkar mjög að Sjálfstæðisflokkurinn komsti til áhrifa, svo víðtækur er trúnaðarbrestur í hans garð hjá öðrum flokkum.

En Bjarni hefur aldrei dáið ráðalaus.

Nú mun hann endurtaka gamla takta með táraflóð og bleikar kökur. PR mennirnir hans eru örugglega farnir að hugsa næst leik í Valhöll.

BB hefur alltaf tekist að koma á óvart og ná til kjósenda í gegnum allt annað en pólitík.

Varla bleikar kökur aftur en maður bíður spenntur að sjá hvað PR liðið í Valhöll diktar upp í aðdraganda næstu kosninga.


Heitu kartöflurnar, Bjarni og Sjálfstæðisflokkurinn

„Það að ákveða þátt­töku eða slit á rík­is­stjórn­ar­sam­starfi í ein­hverri net­kosn­ingu að kvöldi til án þess að málið sé rætt eða farið yfir það með sam­starfs­fé­lög­um í rík­is­stjórn eru for­kostu­leg vinnu­brögð,“ seg­ir Páll Magnús­son, þingmaður Sjálf­stæðis­flokks­ins. „Mér finnst þetta sýna mikið ábyrgðarleysi og skil ég ekki hvernig stjórn­mála­flokk­ur sem tek­ur af­drifa­rík­ar ákv­arðanir með þess­um hætti á að telj­ast mark­tæk­ur,“ seg­ir Páll.

Kostulegt að hlusta á forsætisráðherra í dag.

Það vantar gamla og gróna flokka til að stjórna landinu, (lesist Sjálfstæðisflokkurinn ) það er öruggt og tryggir stöðugleika.

Sjálfstæðisflokknum tókst síðast að ljúka heilu kjörtímabil á árunum 2003 - 2007.

Rúmlega áratugur síðan það gerðist síðast.

Sér er nú hver stöðugleikinn og öryggið.

Og nú eru Bjarni og dómsmálaráðherrann orðnar heitu kartöflurnar í stjórnmálum á Íslandi.

Enginn vill sjá það að starfa með þeim.

BB var furðu borubrattur miðað við þá þröngu stöðu.

Það verður snúið fyrir stóra, gamla, öruggga flokkinn að fara í samstarf við aðra með BB sem formann.

Líklega komast Sjálfstæðismenn að því fyrir næsta landsfund, þá verður skipt því ekki gengur það að valdaflokkurinn sé í frosti vegna formanns síns.

Sennilega er hann ekki búinn að fatta það.


mbl.is Forkostuleg viðbrögð að slíta samstarfinu
Tilkynna um óviðeigandi tengingu við frétt

Dómgreindarskortur forsætis og dómsmálaráðherra drap ríkisstjórnina.

Stjórn Bjartr­ar framtíðar hef­ur ákveðið að slíta sam­starfi við rík­is­stjórn Bjarna Bene­dikts­son­ar. Ástæða slit­anna er al­var­leg­ur trúnaðarbrest­ur inn­an rík­is­stjórn­ar­inn­ar.

Ríkisstjórn Íslands undir forsæti Bjarna Ben og Sjálfstæðisflokksins var á brauðfótum frá stofnun.

Í reynd var það bara tímaspursmál hvenær og af hverju hún félli.

Nú er hún fallinn og ástæðan er leyndarhyggja Sjálfstæðisflokksins og dómgreindarskortur forsætisráðherra og sérstaklega dómsmálaráðherra.

Dómsmálaráðherra er meira svo dómgreindarskert í þessu máli að í morgun hefur hún ásakað BF um dómgreindarskort og ábyrðarleysi.

Sér er það nú skilningurinn er að hitt þá heldur.

Sjálfstæðisflokkurinn er ekki stjórntækur, formaður Sjálfstæðisflokksin mun örugglega segja af sér formannembætti

Nú bíðum við öll.

Hver verður framvindan?


mbl.is Slíta samstarfi við ríkisstjórnina
Tilkynna um óviðeigandi tengingu við frétt

Betra að vera aldraður í jafnaðarmannalandi.

Sænska ríkisstjórnin boðar tvöföldun á fyrirhugaðri skattalækkun hjá ellilífeyrisþegum í fjárlögum fyrir 2018.

Þeir frændur Bjarni Ben og Benedikt boða miklar skattahækkanir.

Þeir sem þola þær síst eru aldraðir, öryrkjar og þeir sem lægstar hafa tekjurnar.

Hægri stjórn sem skattlegur almenning en hlífir þeim ríku er sá veruleiki sem við búum við á Íslandi.

En í Svíþjóð hagar pólitíkin sér með öðrum hætti, þar eru jafnaðarmenn við völd sem forgangsraða allt öðru vísi en stjórn íhaldsflokkanna á Íslandi.

Þar lækka jafnaðarmenn skatta á aldraða.

Stefnt er að því að afmá í síðasta lagi 2020 skattagjána milli ellilífeyrisþega og launþega sem myndaðist þegar fyrri ríkisstjórn kom á ýmsum frádráttarliðum eingöngu fyrir launþega.


20.000 kallinn.

mynd„Það munar auðvitað mjög miklu fyrir einstakling sem er ekki með nema 280 þúsund krónur á mánuði að fá 20 þúsund krónur í viðbót,“ sagði Benedikt Jóhannesson fjármálaráðherra í Kastljósi í kvöld aðspurður um hækkun á lífeyri til fólks sem býr eitt upp í 300 þúsund krónur. „Það er enginn sem telur að það séu einhverjir smápeningar ef menn eru ekki með meira heldur en þetta, þannig að við verðum að horfa á þetta í því samhengi. Sem betur fer er stærstur hluti með stærri fjárhæðir."

( ruv.is )

Fjármálaráðherra átti stórleik í Ruv í gærkvöldi.

Fátæka fólkið fékk 20.000 krónu hækkun ( brúttó ) og auðvitað munaði það heilmikið um þetta rausnarlega framlag frá ríkisstjórn auðmannanna.

Maðurinn með tvær milljónir ( ráðherrann ) var að útskýra það fyrir láglaunafólkinu að í þessu 20.000 krónu framlagi væri heilmikil kjarabót.

Í augum þeirra sem eru með 280 þúsund á mánuði var þetta auðvitað stórkostleg upphæð.

Fjármálaráðherra gerir sig sekan um fáránlegan málflutning.

Ráðherrann með tvær milljónir á mánuði var að réttlæta lúsarframlag til þeirra sem minnst mega sín.

Sannarlega varð hann sér til skammar og sýnir fordæmalaust dómgreindarleysi með þessháttar rugli.

Svona mönnum ætti að vera hægt að refsa með að þeim væri gert að vinna nokkra mánuði á lægstu launum og með því væri kannski hægt að vonast að þeir áttuðu sig á stöðunni hjá þessum hópum.

 

 


Skattmann tekur flugið. - Sjálfstæðisflokkurinn sigar.

Í gær kynnti Bene­dikt Jó­hann­es­son fjár­málaráðherra að rík­is­stjórn Sjálf­stæðis­flokks, Viðreisn­ar og Bjartr­ar framtíðar ætlaði að hækka olíu- og bens­íngjald. Run­ólf­ur bend­ir á að að viðbætt­um virðis­auka­skatti nemi hækk­un­in á dísi­lol­íu 21 krónu á lítra en lítr­inn af bens­íni mun hækka um níu krón­ur. „Ef við tök­um bara venju­lega notk­un þá get­ur þetta verið auk­in út­gjöld um 30 til 60 þúsund krón­ur fyr­ir hverja fjöl­skyldu, sem á einn bíl. Vegna slíkra út­gjalda þarf að vinna sér inn um það bil 50 til 90 þúsund krón­ur í tekj­ur til að eiga fyr­ir hækk­un­inni.“

Skattmann tekur flugið.

Ríkisstjórn Bjarna Benediktssonar ( lesist sjálfstæðisflokksis ) beitir fyrir sig gömlum fjármálaspekúlat í að úthugsa gríðarlegar hækkanir á fjölskyldur í landinu.

Sennilega er þessi hægri stjórn að slá öll met í viðbótarálögum í formi skatta.

Sjálfstæðisflokkurinn beitti sér fyrir miklum skattahækkunum á síðasta kjörtímabili þegar þeir hækkuðu álögur á fjölskyldurnar með hækkun matarskattsins.

Nú er hirðsveinn þeirra og litli frændi að boða himinháar hækkanir á eldsneyti, svo miklum að elstu menn muna ekki annað eins.

Skattmann fjármálaráðherra er þjónn Sjálfstæðisflokksins og í nafni hans er þessi ríkisstjórn að slá flest með í skattahækkunum.

Man ekki til þess að þetta hafi verið með í kosningaloforðapakkanum í fyrra.


mbl.is „Íslandsmet í nýjum sköttum“
Tilkynna um óviðeigandi tengingu við frétt

Í skítverkum fyrir dómsmálaráðherra.

Haniye Maleki, ellefu ára og fötluðum afgönskum föður hennar verður vísað úr landi næstkomandi fimmtudag klukkan 11:30 fyrir hádegi. Feðginin fengu þessar fréttir á fundi með lögreglunni í húsakynnum Útlendingastofnunar í morgun og eru að sögn vinar þeirra í miklu áfalli.

Það er ekki annað hægt en vorkenna lögreglumönnum að vera í skítverkum fyrir útlendingastofnun og dómsmálaráðherra.

Vonandi kemur ekki til að þeir þurfi að standa í því.

En ef það verður reyndin er það sorgardagur á Íslandi.

Hversu lengi munu samstarfsflokkar Sjálfstæðisflokksins kvitta undir mannvonsku og hunsun barnasáttmála S.Þ. ?

Þá er bara að drífa í gegn boðað frumvarp því ekki er spurning, fyrir því er meirihluti á Alþingi.


Veitum börnum í vanda varanlegt skjól.

2017 skammast sínStrax eftir helgi verður lagt fram frumvarp þar sem lagt er til að börnum í vanda og fjölskyldum þeirra er veitt varanlegt skjól á Íslandi.

Hér er verið að vinda ofan af skeytingarleysi stjórnvalda þar sem mannúð og skynsemi víkja.

Ráðherra og kerfisnefndir útlendingaeftirlits keyra á blindum kerfisreglum og virðast ekki hafa neinn sveigjanleika til að meta þessi tvö mál í ljósi staðreynda.

Það er því Alþingis að taka í taumana og vinda ofan af mannúðarskorti kerfis og möppudýra, horft er til Barnasáttmála SÞ.

Það er þingmanna að leiða þessi mál til lykta.

Ég hef því miður enga trú á að Sjálfstæðisþingmenn sjái neitt annað en dómsmálaráðherra hefur mótað í samstarfi við nefndir sínar.

En það er nægur þingstyrkur til að fá frumvarp um ríkisborgararétt barna í nauð í gegn, varla fara Björt framtíð og Viðreisn í spor Sjálfstæðismanna þegar kemur að því að meta mannúð og samvisku.

Ég hef fulla trú á alþingismönnum.


Stefna Sjálfstæðisflokksins í mannúðarmálum.

2017 dómsmálaráðherraDómsmálaráðherra mun ekki taka til endurskoðunar brottvísun ellefu og átta ára stúlkna og fjölskyldna þeirra. Á þessu ári hefur 36 börnum verið vísað úr landi á grundvelli Dyflinnarreglugerðarinnar. Tuttugu og tvö hafa fengið að dvelja hér.

Ráðherra Sjálfstæðisflokksins, dómamálaráðherra hefur talað.

Barnasáttmálinn og mannúðin er ekki á dagskrá.

Væntanlega að fylgja stefnu flokksins í mannúðarmálum.

Blindar reglugerðir og lagabókstafir.

Annað ekki.

Tveimur illa stöddum börnum skal vísað úr landi.

Ömurleg niðurstaða útlendingastofnunar og nú ráðherra.

Tilfinningaleysi - möppudýrið hefur talað.

Sorglegur stjórnmálamaður sem er að fylgja stefnu flokksins í blindni.

Ljótur blettur á íslenskri stjórnsýslu.


Barnasáttmáli SÞ - skilaboð til dómsmálaráðherra.

22. gr. 1. Aðildarríki skulu gera viðeigandi ráðstafanir til að tryggja að barn sem leitar eftir réttarstöðu sem flóttamaður, eða sem talið er flóttamaður samkvæmt viðeigandi reglum og starfsháttum þjóðaréttar eða landslaga, fái, hvort sem það er í fylgd foreldra eða annarra eða ekki, viðeigandi vernd og mannúðlega aðstoð við að nýta sér þau réttindi sem við eiga og kveðið er á um í samningi þessum og öðrum alþjóðlegum löggerningum á sviði mannréttinda- eða mannúðarmála sem ríki þau er um ræðir eiga aðild að.

Dómamálaráðherra,útlendingastofnun og fleiri er málið varðar.

Hvet til þess að þessar stofnanir og ráðherrann leggi frá sér möppurnar og kveiki á mannlega forritinu ef það er til.

Jafnframt er hér hvatt til að ráðherrann kynnir sér Barnasáttmála SÞ og láti hann ráða för en ekki þurrar lagagreinar og túlkanir.

Gerum ekki það sem þjóðin þarf að skammast sín fyrir.

Ábyrgð þeirra sem geta breytt er mikil.

Hugsið ykkur að um sé að ræða ykkar eigin börn í vandræðum í hinum stóra heimi.

Reikna með að það breytti hugarfari og gjörðum ef þannig stæði á.

Ég skora á dómsmálaráðherra að sýna nú örlítinn mannúðarvott í þetta sinn, það þarf ekki að standa mjög lengi ef það er óþægilegt.


« Fyrri síða | Næsta síða »

Um bloggið

Jón Ingi Cæsarsson

Höfundur

Jón Ingi Cæsarsson
Jón Ingi Cæsarsson

Akureyringur.  Oddeyringur.  Jafnaðarmaður.

Formaður Póstmannafélags Íslands.

Færsluflokkar

Sept. 2017
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Nýjustu myndir

  • 000 2021 5.10. haustsol-0158
  • 2022 týndur
  • 20211224-IMG 0196
  • 2022 bb kj si
  • 20220407-IMG 0288

Heimsóknir

Flettingar

  • Í dag (29.3.): 1
  • Sl. sólarhring: 4
  • Sl. viku: 18
  • Frá upphafi: 812348

Annað

  • Innlit í dag: 1
  • Innlit sl. viku: 14
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband