Orðnir eins og hinir.

Fyrir nokkrum mánuðum voru núverandi þingmenn Borgarahreyfingarinnar mótmælendur á Austurvelli. Þá gagnrýndu þeir þáverandi alþingismenn harðlega og þeir fengu að heyra það óþvegið.

Nú eru þeir komnir í þau spor sjálfir að sætta sig ekki við lýðræðið í hreyfingunni og rökin er þau að þau hafi skilið Borgarahreyfinguna einhvernvegin öðruvísi en niðurstaðan varð á þingi hópsins.

Þess vegna íhuga þau að fara frá hreyfingunni og lifa við eigin reglur og skilning. Þetta er stórmerkilegt rannsóknarefni fyrir stjórnmálafræðinga og þjóðfélagsfræðinga að rannsaka örlög Borgarahreyfingarinnar. Þetta er líklega mesta hraðspólun á því hvernig mannlegt eðli er þegar mál og málefni fara að snúa að eigin skinni og hvernig þeir sem gangrýna hæst falla með brauki og bramli til jarðar og fara að hugsa fyrst og fremst um eigin hag og eigin skilning.

Þetta er ótrúlega skýrt dæmi um fólk sem telur að það hafi höndlað hinn eina sannleika og þess vegna beri þeim í krossferð sinni að verja þann sannleika til efsta dags... skítt með allt leiðindalýðræði og skipulag.

 

Íhuga áframhald á samstarfi