Er þetta þá plat að hver taki sína ákvörðun ?

Sjálfstæðismenn héldu því fram í aðdraganda atkvæðagreiðslu um ESB viðræður að hver þingmaður væri með sína sjálfstæðu skoðun og tækju ákvörðun samkvæmt sannfæringu sinni.

Auðvitað er það ekki svo því margir þingmenn flokksins hafa lýst sig fylgjandi aðilda að ESB enda undarlegt annað í ljósi skoðana ýmissa hópa sem lengi hafa verið tengdir flokknum.

Pólitísk staða Þorgerðar Katrínar Gunnarsdóttur, varaformanns Sjálfstæðisflokksins, þykir hafa veikst til muna í gær, þegar hún ákvað að sitja hjá í atkvæðagreiðslu um þingsályktunartillögu ríkisstjórnarinnar um ESB-aðildarumsókn.

En nú virðist sem eigi að refsa varaformanni flokksins hjásetuna og þá má gera sér í hugarlund hvort staða Ragnheiðar Ríkharsdóttur er þá ekki veik sömuleiðis.

Sjálfstæðisflokkurinn líður þingmönnum sínum ekki að hafa aðra skoðun en flokkslínan skipar og hvaða lína var dregin í þessu máli var öllum ljós, enda formaðurinn Bjarni Benediktsson eins og umskiptingur í skoðunum frá því sem áður var.

Staða Sjálfstæðisflokkins er nú öllum ljós.... þeir boða stöðnun og stefnuleysi í utanríkismálum næstu árin.... nema skipt verði um flokkslínu þegar hentar.

Staða Þorgerðar Katrínar veikist

Athugasemdir

[Kolbeinn (IP-tala skráð) 17.7.2009 kl. 07:07]

Svar: Nei, það er einmitt ekki plat. Flokksmenn eru hins vegar skiljanlega ekki sáttir við það þegar varaformaðurinn er á landsfundi búinn að gefa út að hennar sannfæring sé að rétt sé að fara að sameiginlegri niðurstöðu – málamiðlun – sem komist var að þar. Það heitir að bregðast yfirlýstri sannfæringu sinni.

[ari (IP-tala skráð) 17.7.2009 kl. 07:42]

Kolbeinn hér fyrir ofan hefur nokkuð til síns máls

Að auki langar mig að minna á Sjálfstæðisflokkurinn er búinn að vera að ráðast gegn stjórnarflokkunum og segja að samstaða innan flokkanna sé horfin, og stjórnarsamstarfið að springa auk þess sem baráttan innan hvors flokks sé að ganga af honum dauðum.

Allt þetta út af því að ekki ætluðu allir að fylgja flokkslínunum. Og síðan gerir varaformaðurinn þeirra þetta. tsk.... 

[Jón Snæbjörnsson, 17.7.2009 kl. 08:09]

hvað sagði hún á landsfundi - Stöndum saman áfram Ísland

[Jón Snæbjörnsson, 17.7.2009 kl. 08:09]

og áfram Sjálfstæðisflokkurinn

[Anton Þór Harðarson, 17.7.2009 kl. 08:37]

Jón Ingi, það er stór munur á þorgerði og Ragnheiði. Ég er ósáttur við að ragnheiður sagði já, en samt virði hennar ákvörðun.

Hins vegar er ekki líðandi að varaformaður flokks, sé svo kjarklítill stjórnmálamaður að hann þori ekki að greiða athvæði, í svona máli er það alger aumingjaskapur að sitja hjá og þora ekki að greiða athvæði

[Jón Halldór Guðmundsson, 17.7.2009 kl. 09:00]

Ragnheiður og Þorgerður eru ljós í því myrki sem yfir sjálfstæðisflokknum hvílir.  Þessi flokkur er á móti tillögu sem þeir gætu allir samþykkt ef þeir væru í stjórn. Þeir eru búnir að þvæla þessum evrópumálum áfram á undan sér og hafa ekkert gert annað en fresta stefnumörkun í þeim efnum í mörg ár. Ég er hræddur um að hið sama gildi um önnur mál,  enda sést árangurinn.

[Jón Ingi Cæsarsson, 17.7.2009 kl. 09:20]

Það er í það minnsta upplýst hvaðan Birgir Ármanns heyrði svipuhögg og handjárnaglamur.

Það var nær honum en hann vildi vera láta.

[Helena (IP-tala skráð) 17.7.2009 kl. 10:08]

Mogginn í dag segir mikla reiði meðal margra þingmanna Sjálfstæðisflokksins í garð Þorgerðar Katrínar og í samtölum við þingmenn Sjálfstæðisflokksins í gær kom ítrekað fram það sjónarmið, að þingmenn ættu bágt með að sjá að formaður og varaformaður Sjálfstæðisflokksins gætu átt heilt og gott samstarf í forystu flokksins, eftir að Þorgerður Katrín ákvað hjásetu.

Það er greinilegt að Þorgerður átti á láta af eigin sannfæringu og verða undirgefin formanninum. Ég verð að segja að ég lít á Þorgerði og Ragnheiði sem kjarkaðar konur að hafa ekki látið formann og þingmenn Sjálfstæðisflokksins hafa áhrif á sig. Var einhver að tala um svipuhögg og handjárn!!