Sjálfstæðismenn í hægagangi. Prófkjörsslagur ?

Sjálfstæðismenn lögðust gegn því að frumvarpið um Seðlabankann væri afgreitt úr nefnd. Það virðist einkenni á þeim annars ágætu stjórnmálamönnum að þeir geta ekki unnið hratt og örugglega. Málin virðast dragast á langinn, ákvarðanafælnin allsráðandi og lappirnar dregnar.

Það var meginástæða stjórnarslitanna og þetta hefur ekkert breyst. Sjálfstæðismenn vinna í hægagangi meðan landið og fjárhagur borgaranna brennur.

Þingmenn Sjálfstæðisflokksins eru að nota Alþingi í persónulegri prófkjörsbaráttu og mæta í ráðustól og gera sig breiða... greinilega til að kjósendur þeirra taki nú vel eftir þeim og hversu skelleggir þeir eru.

Birgir Ármannsson ætlar sér greinilega að taka á því og meira að segja að slá Jóni Bjarnasyni vinstri grænum við með málþófið og þruglið í ræðustól þingsins.

En maður verður víst að virða þetta við þá.... þetta er ódýrasta prófkjörsbaráttan og ókeypis aðgangur að fjölmiðlum.

Seðlabankafrumvarpið úr nefnd

Athugasemdir

[Jón (IP-tala skráð) 19.2.2009 kl. 13:09]

Eru þeir ekki aðallega að verja foringjann falli? Mér sýnist nú að þessi fylgisspekt við DO komi ekki til með að hagnast þeim í komandi kosningum, en trúin á (eða óttinn við) goðið virðist allri skynsemi yfirsterkari.

[Óðinn Þórisson, 19.2.2009 kl. 20:58]

Frumvarpið var illa unnið að það var ekkert annað í stöðunni en að fara vel ofan í þá galla sem voru á því.
Sf hefur lagt á það mikla áherslu að ræða öll mál ítarlega en það virðist ekki vera áhugi hjá sf að standa faglega að þessu máli.