Sjálfstæðisflokkurinn - tæki auðmanna - í þágu auðvaldsins.

„Sjálfstæðisflokkurinn, sem ég ungur hreifst af, er ekki lengur flokkur samhygðar, réttlætis, jafnræðis og frelsis á jafnréttisgrundvelli.

Hann er orðinn tæki auðmanna og þeirra, sem þeir velja til þjónustu, - í þágu auðvaldsins.

_________________________

Halldór Gunnarsson segir hér það sem allir sjá og kristallaðist á landfundi flokksins.

Sjálfstæðisflokknum er fyrst og síðast beitt til halda þeim ríku og þeim sem hafa persónulega hagsmuni að verja.

Það var svolítið sláandi að sjá að Illugi Gunnarsson eyddi fimm milljónum í prófkjörbaráttu og fékk það að stórum hluta frá útgerðarfyrirtækjum.

Sjálfstæðismenn - sumir hverjir hafa ekkert lært og maður getur ekki annað en vonað að kjósendum verði þetta ljóst og hvaða öfl þeir eru að styðja með að kjósa flokkinn.

Hófsamir og frjálslyndir menn yfirgefa nú flokkinn og sætta sig greinilega ekki við að eiga samleið með teboðshreyfingu hægri manna á Íslandi.

Segir sig úr Sjálfstæðisflokknum

Athugasemdir

[Haukur Kristinsson (IP-tala skráð) 5.3.2013 kl. 10:20]

Gott hjá frænda mínum. Flokkurinn er ekki lengur sá flokkur sem foreldrar mínir kusu og ég einnig.

Í dag er FLokkurinn verkfæri ignorant plebba sem líta á sig sem yfirstétt, "kristna yfirstétt"!

Heildsalar, lögfræðingar og kvótaeigendur.

En þetta vilja fávísir innbyggjarar, slefandi af hrifningu af þessu liði.

[Guðjón Sigþór Jensson, 5.3.2013 kl. 21:50]

Úrsögn Halldórs er eðlileg ákvörðun,en hvers vegna ekki fyrir áratugum?

Braskarnir hafa haft tugi þúsunda að fíflum. Bæði Sjálfstæðisflokki sem og Framsóknarflokki.

Þess má geta að Illugi var aðeins barn í samanburði við Guðlaug Þór sem náði að sanka að sér tugum milljóna í kosningasjóð sinn til að auglýsa eigin ágæti!

[Ásgrímur Hartmannsson, 6.3.2013 kl. 08:12]

Þetta er nú hægt að segja um allan fjórflokkinn eins og hann leggur sig.

Ef þú ert í raun hægrimaður, eða frjálshyggjumaður, hvað geturðu kosið? Hægri græna?

[Guðjón Sigþór Jensson, 6.3.2013 kl. 18:51]

Ætli vinstri grauturinn sé ekki hægri grautnum skárri kostur?