Stuttbuxnadeildin á hálum ís.

 

Ungir sjálfstæðismenn telja að refsistefna sú sem rekin hefur verið í fíkniefnamálum hafi beðið algert skipbrot og telja því að afnema eigi bann við fíkniefnum.

__________

Maður er eiginlega orðlaus þegar maður sér svona rugl. Að einhverjir vilji afnema bann við fíkniefnum er stóralvarlegt mál og ekki síður því hér er um að ræða formlegt stjórnmálaafl innan Sjálfstæðisflokksins.

Ég átta mig ekki á því hvort þetta er kjánaskapur, ábyrðarleysi eða hreinlega heimska, svo alvarlegur er þessi þankagangur.

En þá liggur það fyrir.

Þeir sem ætla landið að erfa hjá Sjálfstæðisflokknum vilja stefna að nýju Íslandi þar sem æska landsins og aðrir geta svifið í vímu inn í framtíðina, löglega.

Stundum er maður hissa...jafnvel steinhissa.

 

Vilja lögleiða fíkniefni

Athugasemdir

[Óskar (IP-tala skráð) 5.3.2012 kl. 10:57]

Hvað kallast ungliðahreyfing ykkar vinstri manna í samfylkingunni?

[Ragnar (IP-tala skráð) 5.3.2012 kl. 10:59]

Þú ert nú sjálfur kominn á ansi hálan ís þarna. Hvar er þess getið að menn vilji að æska landsins svífi í vímu inn í framtíðina. Þvert á móti þá hefði maður haldið að markmiðið væri að það yrði erfiðara fyrir æsku landsins að nálgast vímuefni með afnámi banns. A.m.k. býst ég ekki við að fíkniefnasalar setji einhver aldurstakmörk á viðskiptavini sína.

[Sleggjan og Hvellurinn, 5.3.2012 kl. 12:21]

Jón.

SUS færðu fín rök fyrir þessu. Með því að lögleiða þetta þá er betra fyrir ríkið að hafa yfirlit og eftirlit með neyslunni. Svo benda þeir á að áfengis og sígarettuneysla hafa dregist verulega saman... þrátt fyrir lögleiðingu.

Ég var fyrir miklum vonbrigðum þegar ég las þessa færslu hjá þér. Yfirliett erum við sammála m.a í ESB málum. En þessi færsa sýnir fávisku og þröngsýni. Það er enginn að mæla með því að fólk svifi í vimu inn í framtíðina.

[Jón (IP-tala skráð) 5.3.2012 kl. 14:26]

Neylsa eykst ekki við lögleiðingu, nenni ekki að fara út í það en flettu því endilega upp sjálfur. Þetta er ekkert nema málefnanleg umræða og umræða sem löngu ætti vera farin að rúlla í samfélaginu. Oft sé ég miðaldra fólk eins og þig sjálfan kvarta sárum yfir komu glæpagengja til landsins og hvað sé til ráða til þess að sporna við þeirri þróun, það er til að mynda mjög gott fyrsta skref að lögleiða/afglæpa fíkniefni, það er þeirra helsta tekjulind..hvað hafa þeir að braska ef þeir geta ekki selt dóp og handrukkað og lamið og jafnvel drepið fyrir fíkla sem búnir eru að koma sér í fíkniefnaskuldir við geðsjúklinga sem stjórna þessum markað?

Myndir þú fara að kaupa þér gramm af kóki eða spítti ef þetta yrði gert löglegt? ég held ekki, ég myndi ekki gera það amk og enginn sem ég þekki.. en þeir sem nota það nú þegar myndu eflaust gera það, en þá kemur spurningin.. hvað kemur þér það við? Getur þú ekki sofið á kvöldin yfir fíklinum niður í bæ sem er búinn að koma sér í þetta sjálfur? Held alveg örugglega ekki. Eldri kynslóðin er svo mikið í því að hafa vit fyrir öðrum, skipta sér að því hvað aðrir gera og segja, vilja banna hitt og þetta og halda fast í gamlar venjur. Tímarnir eru að breytast sem betur fer og menn farnir að sjá þetta í hinu raunverulega ljósi, sem er að lang skaðmesti hluturinn í tenglsum við fíkniefni eru svarti markaðurinn, ekki fíkniefnin sjálf.

[Halldór L. (IP-tala skráð) 5.3.2012 kl. 19:10]

>Ég átta mig ekki á því hvort þetta er kjánaskapur, ábyrðarleysi eða hreinlega heimska, svo alvarlegur er þessi þankagangur.

Þetta er þankagangur skynsemis og réttlætis.

Skynsemi þannig að erfiðara verði fyrir unglinga að komast í efnin og glæpagengi hagnist ekki; réttlátt upp á frelsi einstaklingsins.

[gunnar (IP-tala skráð) 5.3.2012 kl. 19:14]

Ég vill meina að t.d með börn sé betra að menta þau en að segja bara að eitthvað sé bannað, túlkið þetta eins og yður viljið.

[Sleggjan og Hvellurinn, 5.3.2012 kl. 23:01]

Með lögleiðingu á að stórefla forvarnir. Enda fær ríkið mikinn pening fyrir sinn snúð. Eiturlifin verða skattlögð í drasl.