Alþingi ræður ekki við þetta mál.

 

Margt bendir til að niðurstaða Alþingis verði hvorki fugl né fiskur. Leitt að sjá að þingmenn geti ekki komið sér saman um niðurstöðu og unnið sama að farsælli niðurstöðu þar sem réttlætið fær framgang.

Nú hefur þessi nefnd þríklofnað og enn og aftur verður landinn vitni að flokkadráttum og ósamlyndi kjörinna fulltrúa þjóðarinnar.

Sjálfstæðismenn eru þó verstir og hlaupast algjörlega frá ábyrgð eins og kannski flestir gerðu ráð fyrir.. ekkert hægt að treysta á þann flokk þegar kemur að því að fjalla um eigin rann og sök.

Sennilega er þetta leikrit sett á svið til að friða órólega landsmenn og líklega verður niðurstaðan hvorki fugl né fiskur og í stað þess að sætta þjóðina klýfur niðurstaða nefndarinnar og þá sennilega Alþingis í framhaldinu þjóðina í enn ákveðnari og sársaukafyllri fylkingar.

Alþingi ræður ekki við þetta mál... og svo ef rétt er sem sumir halda fram að niðurstaða Landsdóms héldi aldrei fyrir Mannréttindadómstól Evrópu vegna skorts á áfrýjunarmöguleika er þetta endanlega ónýtt og líklega illa sviðsett leikrit pólitíkusa til að friða órólega þjóð.

Tvær tillögur um málshöfðun

Athugasemdir

[Ybbar gogg (IP-tala skráð) 11.9.2010 kl. 17:41]

Því miður held ég að þú hafir rétt fyrir þér í öllum atriðum.

En þú hefur tilhneigingu til þess á stundum...

[Daníel Sigurður Eðvaldsson, 11.9.2010 kl. 18:14]

Þetta er alveg frábært. Hinsvegar var þetta alveg vitað að niðurstaðan myndi vera svona þegar um þetta var rætt á sínum tíma. Svona gerist ef þingmenn þurfa að ákveða hvaða þingmenn á að ákæra. Var alveg vitað að flokkarnir sem ekki eru með ráðherra þegar allt hrundi myndu mæla með að ákæra hinir myndu hlífa sínu fólki. Afhverju samfylkingin vill fórna Ingibjörgu en ekki Björgvin er hinsvegar skrítið. Það að sjálfstæðismenn taka ekki þátt í þessu er enn meira hneyskli. Bíð spenntur eftir að heyra hvers vegna þau völdu þessa einstaklinga og afhverju ekki aðra.

[Jón Ingi Cæsarsson, 11.9.2010 kl. 18:28]

Ég held að máli Ingibjargar verði vísað frá. Hún ber enga ráðherraábyrgð í hrunmálum enda utanríkisráðherra sem hefur ekki aðkomu að þessum málum sem ákæra á fyrir. En hún var formaður og annar oddviti ríkisstjórnarflokks þannig að ég lít fyrst og fremst á þetta sem táknrænt og hálfgerða sýndarmennsku. Rannsóknarskýrslan tilgreindi hana ekki og því er sérkennilegt að þingmenn séu að gera það sem hafa engar forsendur til að meta þessi mál án rannsóknar og höfðu ekki einu sinni fyrir því að ræða við þetta fólk.

[Ybbar gogg (IP-tala skráð) 11.9.2010 kl. 19:40]

Jóhanna benti á að þarna færi Alþingi með ákæruvaldið. Sem er slæmt. En lög eru lög - jafnvel þótt þeim þurfi að breyta. Sem kannski reynir á núna?